मुख्यमंत्री ह प्रमिला के मेहनत के करिस तारीफ

रायपुर। मुख्यमंत्री डॉ रमन सिंह ह डोंगरडुला भ्रमण के दउरान गांव के महिला प्रमिला भालू राम देवदास के घर गिस । प्रमिला ह मुख्यमंत्री ल अपन घर म पा के खुशी ले गदगद होगे अउ बताइस कि शासन के योजना ले ओखर जिन्दगी म नवा आस जागिस हे। ओह बताइस कि शासन के कौशल विकास उन्नयन योजना म सिलाई के प्रशिक्षण ले हव। प्रशिक्षण के बाद अब वोह स्कूल ड्रेस के सिलाई करत हे। ओखर पास 2 सिलाई मशीन हे। ओला बच्चा मन के 400 ड्रेस सिलाई का ऑर्डर मिले हे । एखर ले ओला स्वरोजगार मिल गे हे। मुख्यमंत्री ह प्रमिला के मेहनत के तारीफ करिस।