रायपुर । भारतीय जनता पार्टी जिला रायपुर के एकात्म परिसर म होली मिलन समारोह मनाए गिस हे। ये समारोह म प्रदेश के कृषि, सिंचाई मंत्री बृजमोहन अग्रवाल घलो शामिल होइस हे। जिला भाजपा अध्यक्ष राजीव अग्रवाल संग समस्त जिला पदाधिकारी मन ह ओला गुलाल लगाके होली के बधाई दीस। ए बखत उपस्थित शहर के भाजपा कार्यकर्ता मन ल श्री अग्रवाल ह संबोधित किरस हे। उंमन ह कार्यकर्ता मन ल होली के शुभकामना देवत हुए किहिस कि ये होली के पर्व पूर्वोत्तर म भाजपा के जीत लेके आइस हे। ये हम भाजपाई मन बर दुगुनी खुशी के मौउका हवय।
बृजमोहन ह किहिस कि प्रधानमंत्री नरेंद्र मोदी के विकासपरक सोच अउ अमित भाई शाह के चुनावी रणनीति ल एही तरह निरंतर सफलता मिलत रहही। हर चुनाव म वो जीत दर्ज कराते गेहे। जेखर ले हम भाजपा कार्यकर्ता मन ल साल भर रंग-गुलाल खेले के अवसर मिलत रहही। ए दौरान होली के गीत मन म कार्यकर्ता मन के संग बृजमोहन अग्रवाल थिरकत नज़र आइस ।
