सिंहदेव ह कहिन …भूपेश के जेल जाय के बाद हमन सबो मिलके प्रदेस के कमान संभालबो
रायपुऱ। सेक्स सीडी कांड म कांग्रेस अध्यक्छ भूपेश बघेल के जेल जाय के विरोध म कांग्रेस ह आज जेल भरो अभियान के ऐलान करिन हे। ये मद्देनजर प्रदेस प्रभारी पीएल पुनिया अउ नेता प्रतिपक्छ रायपुर पहुंचिन। उहें आंदोलन के मद्देनजर राजधानी म सुरक्था बेवस्था बढ़ा दे गेहे। अउ सबो जिला मन म कांग्रेस कार्यकर्ता मन के बीती रात ले ही गेरफ्तारी करे जात हे।
जेल भरो आंदोलन बर प्रदेस के सबो हिस्सा मन ले बिहनियां ले ही बड़ संख्या म कांग्रेस कार्यकर्ता अउ नेता रायपुर पहुंचत हे। ये कड़ी म ये आंदोलन म सामिल होय प्रदेस प्रभारी पीएल पुनिया रायपुर पहुंचे हे। उमन एयरपोर्ट म मीडिया ले रूबरू होके कहिन के जगह-जगह म सीनियर्स लीडर्स के गेरफ्तारी करे गेहे। ये घटना निंदनीय अउ दुरभाग्यपूरन हे। भाजपा के पइर के नीचे ले जमीन खिसकत हे, येखर बर ये तरह के हथकंडे अपनायजात हे। मामला म नेता प्रतिपक्छ टीएस सिंहदेव ह कहिन के जेल म रहत हुए हमार पूरवज मन देस के आजादी दिलाय हे। भूपेश के जेल जाय के बाद हमन सबो मिलके प्रदेस के कमान संभालबो।
येती, सोमवार रातिया ले ही कांग्रेसी मन ल गेरफ्तारी के दउर जारी हे। पुलिस ह कई कांग्रेसी विधायक मन ल अउ बड़े नेता मन ल गेरफ्तार करत हे। कथित सेक्स सीडी कांड म कांग्रेस अध्यक्छ भूपेश बघेल के जेल जाय के विरोध म कांग्रेस ह आज जेल भरो अभियान के ऐलान करे हे। ताजा जानकारी मिले हे के पुलिस रायपुर आवइया सबो ट्रेन मन के तलासी लेके कार्यकर्ता मन ल गेरफ्तार करत हे। अब तक रेलवे स्टेशन ले करीबन 500 कार्यकर्ता मन ल गेरफ्तार करे गेहे।
Other Articles
13 अक्टूबर के छत्तीसगढ़ आही बसपा सुप्रीमो मायावती, जोगी के संग करही जनसभा
करोड़ो रूपिया के घोटाला करइया पोस्टमास्टर निलंबित
