रमन सरकार अब्बड़ तारीफ करिन केन्द्रीय मंत्री यादव ह

रायपुर। अपन दो दिवसीय यात्रा म केंद्रीय मंत्री रामकृपाल यादव ह रायपुर पहुंचिस। रायपुर म पत्रकार मन ले बातचीत करत हुए मंत्री रामकृपाल यादव ह रमन सरकार क जमकर तारीफ करिन। मंत्री यादव ह छतीसगढ़ म चल रहे योजना मन के तारीफ करत हुए कहिन कि केंद्र के योजना मन के सबसे बढ़िया ढंग ले क्रियान्वयन करे जात हे। पंचायत एवम ग्रामीण विकास योजना मन म मोदी सरकार के प्रथमिकता मन ल गिनात हुए केंद्रीय मंत्री कहिन कि निचले स्तर तक योजना मन ल पारदर्शी तरीका ले पहुंचना हमार लक्ष्य हवय। छतीसगढ़ ह केंद्र अउ राज्य सरकार के योजना मन ल अंतिम व्यक्ति तक पहुंचाए के काम करत हवय।
एखर ले पहिलि रायपुर पहुंचे म केंद्रीय मंत्री के बीजेपी नेता मन स्वागत करिन। भाजपा प्रदेशाध्यक्ष धरमलाल कौशिक ह केन्द्रीय ग्रामीण विकास राज्य मंत्री राम कृपाल यादव ले मुलाकात करिस। रायपुर म केंद्रीय मंत्री रामकृपाल यादव एक बड़का योजना के शुरुआत करिस हे। ग्राम पंचायत तिल्दा के अड़सेना गांव म प्रधानमंत्री आवास मॉडल कालोनी बनाए गे हे. जेमा 40 ठन घर बने हवय। ऐखर संग गार्डन, नल जल व्यवस्था , काँक्रीट रोड, नाली निर्माण, सब्बों घर मन म उज्ज्वला गैस कनेक्शन, सौभाग्य योजना के एकल बत्ती अउ अन्य योजना के अभिसरण करत हुए “ स्टेट ऑफ़ आर्ट” कॉलोनी के निर्माण करे गे हे। मंत्री यादव कहिन कि ग्रामीण विकास मंत्रालय के तहत चलाइया विभिन्न योजना मन जइसे प्रधानमंत्री आवास योजना, प्रधानमंत्री ग्रामीण सड़क योजना या मनरेगा के योजना हे। ऐमन म छत्तीसगढ़ राज्य बहुत बढ़िया तरह ल परफॉर्म करत हवय। वो ह कहिन कि प्रधानमंत्री के सपना हवय कि 2019 तक एक करोड़ गरीब मनखे मन ल दे के। एखर तहत छत्तीसगढ़ ह अपन टारगेट के करीब पहुंच गे हे।