राउत नाच महोत्सव भव्यता के संग आरम्भ होइस….. यादव मन ह अपन नृत्य कउसल अउ  सस्त्र चालन के प्रतिभा ल दिखाइस

बिलासपुर। छत्तीसगढ़ के ऐतिहासिक राउत नाच महोत्सव पूरा भव्यता के संग शनिवार के आरम्भ हो गस ।  बतादन के ए महोत्सव म पूरा परदेस  ले आए सउ ले  अधिक यादव मन के टोली अपन नृत्य कउसल अउ  सस्त्र चालन के प्रतिभा के परदरसन  करत हवय।

पहिली दिन म ही विभिन्न टोली मन ह आकर्षक प्रदरसन कर सबके मन ल मोह डारिस।  बता दन के बिलासपुर ही नइ पूरा छत्तीसगढ़ के गउरवसाली परम्परा म समिल राउत नाच महोत्सव बिलासपुर के लाल बहादुर शास्त्री स्कूल मइदान म  वर्ष 1978 ले लगातार होवत आत हे।  हर वर्ष  ए महोत्सव एकादस पर्व के बाद पड़इया पहिली शनिवार के आयोजित होथे। ए महोत्सव म छत्तीसगढ़ म निवास करइया यादव मन  के शौर्य अउ परिश्रम के प्रतीक हे, जेला पूरा देस म ख्याति मिले हुए हे। महोत्सव के दउरान प्रतिभागी मन के उत्कृष्ट परदरसनन के आधार म सील्ड अउ नगद पुरस्कार दे जाथे। जानकार मन के कहिना हे के पहिली बिलासपुर म ए महोत्सव असंगठित रूप म संचालित होत रहिस हे अउ  यादव मन के शौर्य प्रदर्शन के दउरान कतको  बेर उंखर बीच म लड़ाई झगड़ा के स्थिति घलो बन जात रहिस हे। लेकिन बीते 41 साल ले तकरीबन जब ए महोत्सव एक ही जगह म संगठित रूप ले सम्पन्न होवत हे, त एखर भव्यता देखत  बनत हे। अउ कहीं ना कहीं  परदस के सांस्कृतिक धरोहर के घलो  विकास अउ प्रसार होवत हे।