रायपुर स्टोन क्लीनिक मामला : हाईकोर्ट म सुनवाई…..सरकार उदासीन काबर हे

रायपुर। राजधानी म स्टोन क्लीनिक बर सासन ले जमीन ले के बाद घलो निरमान नइ करे के खेलाफ हाईकोरट म याचिका पेस करे गिस । मामला म कोरट ह पूछिन के जमीन आवंटन के 10 बछर बाद घलो निरमना नइ होय म सरकार उदासीन काबर हे।
राज्य शासन ह रायपुर के निजी चिकित्सक ल रायपुर स्टोन क्लीनिक के निरमान बर जमीन आवंटित करिस हे। अस्पताल म गरीब मरीज मन ल मुफ्त इलाज करे जाना रहिस हे। 10 बछर बाद घलो अस्पताल के निरमान सुरू नइ होय अउ जमीन के अन्य उपयोग करे के खेलाफ सामाजिक कारयकरता राकेश चौबे ह जनहित याचिका दाखिल करिस हे। पूरव म हाईकोरट ह सासन ल नोटिस जारी कर जवाब मांगिस अउ जमीन म कोनो प्रकार के निरमान म रोक लगाय गेय रहिस हे। आदेस के बावजूद जमीन म निरमना जारी रखे जाय म याचिकाकरता ह हाईकोरट म अलग ले अवमानना याचिका दाखिल करिस हे। बुधवार के दूनों मामला म चीफ जस्टिस अजय कुमार त्रिपाठी अउ पीपी साहू के डीबी म रखे गिस । ये दउरान कोरट ह पूछिस के भूमि आवंटन के 10 बछर बाद घलो निरमान सुरू नइ होय म सरकार उदासीन काबर हे। येखर अलावा निरमना म रोक के बावजूद काम कइसे कराय जात हे। शासन के ओर ले पैरवी बर महाधिवक्ता के नइ होय म कोरट ले समय मांगिस ह। येमा कोरट ह सुनवाई तीन अक्टूबर तक बढ़ा दीस हे।