राहुल गांधी ल नसीहत दीस भाजपा ह……कहिन के किसान मन ल बहकाय के फोकट के मेहनत झन करय

रायपुर । भारतीय जनता पारटी ह कांग्रेस अध्यक्क्छ राहुल गांधी ल नसीहत दीस के उमन छत्तीसगढ़ के किसान मन ल बहकाय बर बेकार म मेहनत झन करय। छत्तीसगढ़ के किसान अब कांग्रेस के चरित्र ल समझ गेहे। उमन कांग्रेस के झांसा म नइ आवय।
कर्नाटक के किसानमन ल छलने के बाद बहुरुपिया राहुल गांधी अब छत्तीसगढ़ के किसान मन ले छल करत हे । केवल भाजपा के सरकार ह धान के समरथन मूल्य 26 सौ-27 सौ रुपिया प्रति क्विंटल कर सकते हे। भाजपा के प्रदेश अध्यक्छ धरमलाल कौशिक ह छत्तीसगढ़ के चुनावी सभामन म राहुल गांधी ह किसान मन के मुद्दा म प्रदेस सरकार उपर लगाय जावत आरोप मन ल हास्यास्पद बतावत हुये पलटवार करिस हे ।
श्री कौशिक ह कहिन के राहुल गांधी ल खेती-किसानी के काम मन अउ ओखर ले जुड़े मुद्द मन के समझ घलो नइए । महासमुंद के सभा म उमन ह लोगन मन ले ये पूछिस के प्रदेस सरकार का धान बर किसान मन ल 11 सौ रुपिया प्रति क्विंटल मूल्य देवत हे। बाद म पाछु ले उमन ल कोनो ह टोकिस तब 21 सौ रुपिया कहत हुए राहुल सॉरी बोलत सुने गिस। ये एक प्रसंग ह राहुल गांधी के कृषि संबंधी अधकचरे ज्ञान के प्रमान देवत हे। जे कांग्रेस अध्यक्छ ल धान के समरथन मूल्य 11 सौ- 21 सौ रुपिया के फरक नइ मालूम , वो ह कउन मुंह ले छत्तीसगढ़ के भाजपा सरकार ल किसान विरोधी बतावत हे।
राहुल गांधी ल पता होना चाही के छत्तीसगढ़ के किसान मन ल भाजपा सरकार तीन सौ रुपिया बोनस अउ बढ़े हुये धान समरथन मूल्य 1750-1770 रुपिया मिला के 2050-2070 रुपिया प्रति क्विंटल देवत हे। प्रदेश भाजपा अध्यक्छ ह कहिन के प्रदेस के भाजपा सरकार ह किसान मन के आय म वृद्धि के संग-संग उमन ल व्यापार के नवां अवसर मुहैया कराये हे।
हमार संकल्प हे के हम अइसन प्रदेस बना बो जेमा किसान मन अउ गरीब मन ल आरथिक प्रगति के पूरा लाभ मिलेय अपन इही सोच, नीति अउ नीयत के संग प्रदेस के मुख्यमंत्री डॉ. रमन सिंह के नेतृत्व म भाजपा सरकार ह किसान मन के उंखर उपज के सही मूल्य दिलाय हे। धान ल भिगो-भिगो के खरीदइया कांग्रेस के नेता पहिली अपन गिरेबां म झांक लेवय। उमन कहिन के अपन अधकचरे ज्ञान ल कन्फ्यूज राहुल गांधी दुरुस्त कर लेवय अउ फेर मुद्दा मन म बात करे के अभ्यास करय।