विधानसभा सत्र : बीजेपी-कांग्रेस दूनों तइयार, रविंद्र चौबे ह करिस बीजेपी के  तारीफ

रायपुर।  छत्तीसगढ़ के मंत्री रविंद्र चौबे ह अपन नवां आवास म बीजेपी के तारीफ करिस।  उमन कहिन के भाजपा एक मजबूत विपक्ष के रूप म काम करथे।  15 साल ले बीजेपी सत्ता म काबिज रहिस हे। अब एक बार फेर भाजपा विपक्ष म आ गेहे। त  उमन ल उम्मीद हे के  भाजपा जनता के मुद्दा मन ल मजबूती के संग  विपक्ष के तउर  म उठाही।

ए बात रविंद्र चौबे ह तब कहिन  जब भाजपा विधानसभा सत्र के दउरान सराबबंदी अउ पूर्ण कर्जमाफी समेत अन्य मुद्दा ल लेके कांग्रेस ल घेरे के रननीति बना रखे हे।  चौबे  ह बुधवार के अपन राजधानी स्थित आवंटित नवां बंगला म प्रवेस करिन।  ए दउरान उंख पूरा परिवार अउ रिश्ता नाता समेत काफी संख्या म समरथक उहां उपस्थित रहिन हे।

बतादन के  छत्तीसगढ़ म नवां सरकार के गठन के बाद विधानसभा के पहिली सत्र 4 जनवरी ले प्रारंभ होवत हे, जेला लेके सरकार अउ विपक्ष दून झन तइयारी कर रखे हे।  जिहां एक ओर विपक्ष  हकिसान कर्जमाफी, सराबबंदी सहित अन्य मुद्दा ल लेके सत्तापक्ष ल घेरे  के तइयारी कर रखे हे।  उहें 15 साल बाद सत्ता म काबिज होवइया कांग्रेस के मंत्री अउ विधायक मन ह घलो विपक्ष ल जवाब देय के पूरा रननीति तइयार कर रखे हे।