रायपुर। जनता कांग्रेस छत्तीसगढ़ के ‘खेत चलो अभियान’ के शुरुआत आज ले होही। अभियान म पार्टी के कारयकरता मन खेत मन म जाके किसान मन के संग उंखर काम म हाथ बंटाय के संगे, संग किसान मन ल जनता कांग्रेस छत्तीसगढ़ के नीति के बारे म जानकारी दिही।
पार्टी के कारय करता मन किसान मन के बीच जाके बताही के , अगर प्रदेस म जनता कांग्रेस छत्तीसगढ़ के सरकार बनत हे त, पहिली ही दिन ले धान के समरथन मूल्य 2500 रुपिया प्रति क्विंटल हो जाही। कारय करता मन किसान मन ल ये घलो बताही के प्रदेस म जनता कांग्रेस छत्तीसगढ़ के सरकार बने के बाद किसान मन के करजा माफ करे दे जाही।
पार्टी के प्रदेस प्रवक्ता सुब्रत डे ह बताइन के ‘अजीत जोगी रायपुर धमतरी रोड म मुजगहन गांव ले अभियान के आगाज करही’। विधायक अमित जोगी बिलासपुर, देवव्रत सिंह कवर्धा, धर्मजीत सिंह बेमेतरा , रिचा जोगी राजनांदगाव, सियाराम कौशिक जांजगीर द्वारिका साहू दुर्ग म अभियान के सुरुआत करहीगे। अभियान के समापन 29 जुलाई के हरेली तिहार के दिन अजीत जोगी ह विधानसभा क्षेत्र राजनांदगाव म किसान मन के संग हल के पूजा करे के बाद करही।
