एक ही परिवार के 12 सदस्य ल आजीवन कारावास, मामूली विवाद म करे रहीस पड़ोसी के हत्या

दुर्ग। जिला अउ सत्र न्यायालय ह एक ही परिवार के 12 सदस्य ल आजीवन कारावास के सजा सुनाए हे। तीन साल पहिली ये मन ह मामूली विवाद म अपन पड़ोसी के हत्या करे रहीस। मामला 2016 के हरे।

जानकारी के मुताबिक दुर्ग जिला के पर्थरा गांव म दू परिवार के बीच गलतफहमी के कारन विवाद शुरू हो गे। ये विवाद ह अतेक बढ़ गे कि एक परिवार के 13 सदस्य मन मिलके पड़ोस म रहैय्या एक व्यक्ति के हत्या कर दे रहीस। जेकर बाद पुलिस ह परिवार के 13 आरोपी के खिलाफ अपराध दर्ज कर प्रकरण ल अदालत म पेश करे रिहिन।

मामला कोर्ट म विचाराधीन रिहिस इही दउरान 1 आरोपी म मउत हो गे। उंहे कोर्ट ह सजा सुनावत एक आरोपी ल छोड़के बाकी 12 आरोपी ल हत्या के दोषी मानत वोमन ल आजीवन कारावास के सजा सुनईस हे।