भूत बने कलाकार के मुंह म लग गे आगी… बाल-बाल बचिस जान

गरियाबंद। जिला म आयोजित एक नाटक के मंचन के दउरान एक कलाकार के बाल-बाल जान बचिस। स्टंट करे के दउरान भूत बने कलाकार के मुंह म आगी लग गे। ये घटना ह फिंगेश्वर विकासखंड के फुलझर गांव के हरे।

जानकारी के मुताबिक भूत बने कलाकार ह लोगन मन ल डराए बर अपन मुंह म पेट्रोल भरे रिहिस। फेर जब वो कलाकार ह स्टंट करे ल धरिस ताहन ओखर मुंह म आगी लग गे। जेकर बाद आसपास मौजूद लोगन मन ह बड़े मुश्किल से कलाकार के जान बचईस हे अउ इलाज बर तत्काल अस्पताल म भरती करईन हे, जिहां ओकर इलाज चलत हे।