corona : प्रदेस म बीते 24 घंटा म सामने आय हे कोरोना के 151 नवा मरीज, 2 मरीज के होगे मउत

जय जोहार… (corona) प्रदेस म बीते 24 घंटा म कोरोना के 151 नवा मरीज सामने आय हे। उहें 223 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे। जबकि इलाज के दउरान 2 मरीज के मउत होगे हे।

प्रदेस म जेन कोरोना (corona) के नवा मरीज मिले हे, ओमा दुर्ग ले 11, राजनांदगांव ले 3, बेमेतरा ले 10, कबीरधाम ले 5, रईपुर ले 13, धमतरी ले 6, बलौदाबाजार ले 3, गरियाबंद ले 2, बिलासपुर ले 18, रायगढ़ ले 4, कोरबा ले 3, जांजगीर-चांपा ले 9, मुंगेली ले 3, गौरेला-पेंड्रा-मरवाही ले 5, सरगुजा ले 12, कोरिया ले 6, सूरजपुर ले 6, बलरामपुर ले 12, जशपुर ले 5, बस्तर ले 6, कोंडागांव ले 6, दंतेवाड़ा ले 2, कांकेर ले 3, नारायणपुर ले 1 अउ बीजापुर ले 1 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 11 लाख 50 हजार 690 होगे हे, जेमा ले 1887 एक्टिव मामला हे। उहें 11 लाख 34 हजार 777 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 14026 मरीज के जान चले गेहे।