जय जोहर । राष्ट्रीय सघन पल्स पोलियो अभियान ल 27 फरवरी के (chhattisgarh) राज्य म एक ठीन चरण म आयोजित करे जाही। ए अभियान के तहत राज्य म जन्म ले 5 बछर तक के उमर केे 36 लाख 25 हजार 940 लईका मन ल पल्स पोलियो के खुराक पिलाय के लक्ष्य रखे गेहे । ये अभियान ह तीन दिन चलही , जेमा पहला दिन स 27 फरवरी के बूथ स्तर, 28 फरवरी अउ 1 मार्च 2022 के घर-घर जाके पोलियो के ख़ुराक ल छूटे लईका मन ल दवा पिलाये जाही ।
(chhattisgarh) राज्य टीकाकरण अधिकारी डॉ. वी.आर. भगत ह बताइन कि अभियान बर वैक्सीन अउ आन लोजिटिक्स जिला म उपलब्ध करा दे गेहे वो हा बताइन कि प्रदेस म सहरी अउ ग्रामीण क्षेत्र ल मिलाके कुल 14,504 बूथ ल बनाये गेहे । बिहनिया 8 बजे ले संझा 04 बजे तक ए बूथ म जन्म ले 5 बछर तक के लईका मन ल पल्स पोलियो के दो बूंद पिलाय जाही ।
ए बूथ म कुल 29,008 टीका दल ह काम करही, जेमा 58,015 टीकाकर्मी ह तैनात रही। (chhattisgarh) टीकाकर्मी ह मूलतः स्वास्थ्यकर्मी, मितानिन, आंगनबाड़ी कार्यकर्ता अउ आंगनबाड़ी सहायिका हे । ए सबो के प्रसिक्षण ग्राम, सेक्टर, प्राथमिक स्वास्थ्य केन्द्र स्तर अउ विकासखण्ड स्तर म पूरा कर ले गेहे
No Comment! Be the first one.