chhattisgarh : सिंचाई कालोनी काम बर 2.91 करोड़ रुपिया के मिलीन हे स्वीकृति
जय जोहार। (chhattisgarh ) जल संसाधन विभाग मंत्रालय छत्तीसगढ़ सासन डहार ले बिलासपुर जिला के जल संसाधन कालोनी पेण्ड्रारोड परिसर स्थित कार्यालय भवन, आवासी भवन के नवीनीकरण काम, सीमेंट कांक्रीट सड़क नाली निर्माण अउ नवीन विद्युत वायरिंग काम बर दो करोड़ 91 लाख 81 हजार रुपिया स्वीकृत करे गेहे । मुख्य अभियंता हसदेव कछार जल संसाधन बिलासपुर ल काम कराय ल प्रसासकीय स्वीकृति प्रदान करे गेहे ।
बुन्देलीटोला व्यपवर्तन योजना निर्माण काम बर 2.86 करोड़ स्वीकृत: जल संसाधन विभाग मंत्रालय छत्तीसगढ़ (chhattisgarh) सासन डहार ले गौरेला-पेण्ड्रा-मरवाही जिला के विकासखण्ड-मरवाही अंतर्गत बुन्देलीटोला व्यपवर्तन योजना निर्माण काम बर दो करोड़ 86 लाख 01 हजार रुपिया स्वीकृत करे गेहे । मुख्य अभियंता हसदेव कछार जल संसाधन बिलासपुर ल काम कराय ल प्रसासकीय स्वीकृति प्रदान करे गेहे । ए योजना के पूरा होय ले एक सौ हेक्टेयर क्षेत्र म सिंचाई सुविधा मिल सकही ।
टेसुवानाला एनीकट निर्माण काम बर 2.83 करोड़ के मिले हे स्वीकृति: जल संसाधन विभाग मंत्रालय छत्तीसगढ़ (chhattisgarh ) सासन डहार ले मुंगेली जिला के विकासखण्ड-मुंगेली अंतर्गत टेसुवानाला म ग्राम घुठेली के तीर एनीकट निर्माण काम बर दो करोड़ 83 लाख 50 हजार रुपिया स्वीकृत करे गेहे। मुख्य अभियंता हसदेव कछार जल संसाधन बिलासपुर ल काम कराय ल प्रसासकीय स्वीकृति प्रदान करे गेहे । योजना के पूरा होय ले 120 हेक्टेयर क्षेत्र म सिंचाई सुविधा मिल सकही ।
