chhattisgarh: महिला अउ बाल विकास विभाग म पर्यवेक्षक के 200 पद म होही भर्ती, पढ़व

जय जोहार…. (chhattisgarh) महिला अउ बाल विकास विभाग म पर्यवेक्षक (सुपरवाईजर) के रिक्त 200 पद म भर्ती के प्रक्रिया ह सुरु हो गेहे। विभाग म सुपरवाईजर के रिक्त पद म सीधा भर्ती अउ परिसीमित सीधा भर्ती डहार ले नियुक्ति करे जावत हे। एखर बर छत्तीसगढ़ व्यवसायिक परीक्षा मण्डल डहार ले ऑनलाइन आवेदन ल आमंत्रित करे गेहे। नियुक्ति बर छत्तीसगढ़ के मूल निवासी महिला मन ह आवेदन कर सकत हे।

नियम के अनुसार आरक्षित श्रेणी अउ दिव्यांग मन बर घलो पद आरक्षित हे। (chhattisgarh) खुली सीधी भर्ती म कोनो मान्यता प्राप्त विश्वविद्यालय ले स्नातक या समतुल्य उपाधि रखइया महिला मन ह आवेदन कर सकत हे। परिसीमित सीधी भर्ती बर केवल विभाग म 10 बच्छर ले सरलग कार्यरत आंगनबाड़ी कार्यकर्ता ही आवेदन बर पात्र होही।

आवेदन करे के प्रक्रिया ह 3 दिसम्बर ले सुरु हो गेहे। (chhattisgarh ) इच्छुक उम्मीदवार ह 30 दिसम्बर 2021 के रात 11.59 बजे तक व्यापम की वेबसाईट म ऑनलाइन आवेदन कर सकत हे। आवेदक मन ल 50 रुपिया सुल्क के संग 31 दिसम्बर ले 2 जनवरी 2022 तक त्रुटि सुधार के बेरा दे गेहे । परीक्षा 23 जनवरी 2022, के 2 पाली म आयोजित करे जाही। विस्तृत जानकारी छत्तीसगढ़ व्यवसायिक परीक्षा मण्डल के वेबसाईट https://vyapam.cgstate.gov.in ले प्राप्त करे जा सकत हे।