जय जोहार… (corona) प्रदेस म बीते 24 घंटा म कोरोना के 216 नवा मरीज सामने आय हे। उहें 315 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे। जबकि इलाज के दउरान 1 मरीज के मउत होगे हे।
प्रदेस म जेन कोरोना (corona) के नवा मरीज मिले हे, ओमा दुर्ग ले 5, राजनांदगांव ले 9, बालोद ले 1, बेमेतरा ले 35, कबीरधाम ले 9, रईपुर ले 37, धमतरी ले 4, बलौदाबाजार ले 9, महासमुंद ले 1, गरियाबंद ले 2, बिलासपुर ले 30, रायगढ़ ले 8, कोरबा ले 4, जांजगीर-चांपा ले 3, मुंगेली ले 3, गौरेला-पेंड्रा-मरवाही ले 6, सरगुजा ले 7, कोरिया ले 6, सूरजपुर ले 3, बलरामपुर ले 12, जशपुर ले 2, बस्तर ले 3, कोंडागांव ले 2, सुकमा ले 3, कांकेर ले 3, नारायणपुर ले 6 अउ बीजापुर ले 3 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 11 लाख 50 हजार 539 होगे हे, जेमा ले 1961 एक्टिव मामला हे। उहें 11 लाख 34 हजार 554 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 14024 मरीज के जान चले गेहे।
No Comment! Be the first one.