Corona: प्रदेश म बीते 24 घंटा म बाढ़ गे 2197 नवा मरीज, 563 मरीज ह होइस डिस्चार्ज

जय जोहार…. प्रदेश म कोरोना (corona) संक्रमित मरीज मन के संख्या ह सरलघा बाढ़त जावत हे। प्रदेश म बीते 24 घंटा म कोरोना के 2197 नवा मरीज के पहचान होय हे।

उहचे 563 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 14 लोगन मन के मौत हो गे हे।

मंगलवार के जेन कोरोना (corona) के नवा मरीज मिले हे, ओमा रायपुर ले 456, दुर्ग ले 202, रायगढ़ ले 193, जांजगीर ले 180, दंतेवाड़ा ले 100, कोरबा ले 107, बिलासपुर ले 109, राजनांदगांव ले 86, बालोद ले 50, बेमेतरा अऊ कबीरधाम 29-29, धमतरी ले 81, बलौदाबाजार ले 58, महासमुंद अऊ गरियाबंद ले 36-36, मुंगेली ले 44, सरगुजा ले 98, कोरिया ले 34, सूरजपुर ले 35, बलरामपुर ले 21, जशपुर ले 9, बस्तर ले 88, कोंडागांव ले 13, सुकमा ले 69, कांकेर ले 19 अऊ बीजपुर ले 33 मरीज शामिल हे।

बता दन कि प्रदेश म कोरोना (corona) संक्रमित मरीज मन के संख्या ह बाढ़ के 110665 पहुंच गे हे। जेमा ले 31225 एक्टिव मामला हे।
उहचे 78514 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 916 लोगन मन के मौत हो गे हे।