Corona: धमतरी जिला म होय हे 100 नवा मरीज के पहचान, 2 मरीज के हो गे मौत

जय जोहार…. धमतरी जिले में कोरोना (Corona) संक्रमित मरीज मन के संख्या ह कम होय के नाम नई लेवत हे। ए जिला म आज कोरोना के 100 नवा मरीज के पहचान होय हे।

उहचे 47 मरीज मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान 2 मरीज के मौत हो गे हे।

जिला स्वास्थ्य समिति धमतरी ले जारी आंकड़ा के मुताबिक (Corona) आज कुरुद ब्लाक ले 30, धमतरी शहरी ले 28, गुजरा ले 25, नगरी ब्लाक ले 13 अऊ मगरलोड ब्लाक ले 4 मरीज मिले हे।

बता दन कि धमतरी जिला म कोरोना (Corona) संक्रमित मन के संख्या ह बाढ़ के 2448 हो गे हे. जेमा ले 896 एक्टिव मामला हे। उहचे 1513 लोगन मन ह कोरोना ल मात दे दे हे,

जेखर बाद ओ मन ल अस्पताल ले डिस्चार्ज कर दे गे हे। ए वायरस ले जिला म अब तक 39 लोगन मन के मौत हो गे हे।