corona : प्रदेस म आज सामने आय हे कोरोना के 27 नवा मामला, रईपुर म घलो 5 पॉजिटिव

जय जोहार… (corona) प्रदेस म आज कोरोना के 27 नवा मरीज सामने आय हे। उहें 33 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि उपचार के दउरान 2 मरीज के जान चले गेहे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 6, बालोद ले 1, रईपुर ले 5, धमतरी ले 2 महासमुंद ले 1, बिलासपुर ले 3, जांजगीर-चांपा ले 1, सरगुजा ले 2, सूरजपुर ले 1, दंतेवाड़ा ले 2 अउ आन राज्य ले 3 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 06 हजार 433 हो गे हे, जेमा ले 258 एक्टिव मामला हे। उहें 9 लाख 92 हजार 585 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13590 मरीज के जान चले गेहे।