3 दिवसीय राज्य युवा महोत्सव के आगाज, मुख्यमंत्री साय करहि शुभारंभ

रायपुर। मुख्यमंत्री विष्णु देव साय राज्य युवा महोत्सव के 12 जनवरी को खेल संचालनालय परिसर, साइंस कॉलेज मैदान रायपुर म शुभारंभ करहि। छत्तीसगढ़ म 3 दिवसीय राज्य युवा महोत्सव के आगाज छत्तीसगढ़ के कलाकार आरू साहू अउ टीम ह ‘‘मैं अयोध्या हुं‘‘ के प्रस्तुति करहि।

ए महोत्सव म राज्य के युवा मन के प्रतिभा ल मंच प्रदान करे बर विविध विधा म प्रतियोगिता मन के आयोजन घलो करे जाहि। राज्य युवा महोत्सव के दूसर दिन सुपर 30 आंनद सर, आरूग बैण्ड अउ दायरा बैण्ड के प्रस्तुति होहि। अइसने ही युवा महोत्सव के अंतिम दिन 14 जनवरी के अनुराग शर्मा के संग- संग युवा कवि सम्मेलन ल डॉ. कुमार विश्वास अउ उखर टीम ह प्रस्तुति दिही। ए महोत्सव छत्तीसगढ़ के युवा मन बर अपन कला, संस्कृति अउ प्रतिभा ल प्रदर्शित करे के एक महत्वपूर्ण मंच होहि।