जय जोहार…. कबीरधाम जिला म गुरुवार के कोरोना (corona) के 33 संक्रमित मरीज के पहचान होय हे। जेमा ले नगर पंचायत पंडरिया ले 32 लोगन मन ह शामिल हे।
जेन ह एक सेलून संचालक के संपर्क म आय ले संक्रमित होय हे। सेलून संचालक के संक्रमित मिले के बाद संपर्क म अवइया 120 लोगन मन ल होम क्वारेंटाइन कर कोरोना सैंपल ले गे रिहिस,
जेमा ले 32 लोगन मन के रिपोर्ट ह कोरोना पाजिटिव आय हे। कबीरधाम जिला म आज कोरोना (corona) के 33 नवा मरीज मिले हे, ओमा 26 पुरुष, 6 महिला अउ एक लईका शामिल हे।
ये सबो संक्रमित मरीज ह एक सेलून संचालक के संपर्क म आय रिहिस। एखर पुष्टि ल सीएमएचओ ह करे हे। बता देन कि प्रदेश म अब तक कोरोना (corona) के 5968 मरीज मन के पुष्टि होय हे।
जेमा ले 1709 एक्टिव मामला हे। ऊहचे 4230 मरीज मन ह बने होय के बाद अपन घर लहुट चुके हे। ए वायरस ले प्रदेश म अब तक 29 लोगन मन के मौत हो गे हे।
