Corona: देश म बीते 24 घंटा म सामने आय हे 38 हजार ले जादा नवा मरीज, पढो पूरा खबर

जय जोहार…. (Corona) देश म बीते 24 घंटा म कोरोना के 38 हजार ले जादा नवा मरीज के पहचान होय हे। उहचे ए दौरान 443 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 38772 नवा मरीज मिले हे। एला मिला के कोरोना संक्रमण के मामला ह बाढ़ के 94 लाख 31 हजार 692 हो गे हे।

उहचे 88 लाख 46 हजार ले जादा लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 37 हजार 139 लोगन मन के मौत हो गे हे।