Dhamtari: लॉज म आईपीएल सट्टा खेलावत 4 सटोरिया मन ल पुलिस करिन गिरफ्तार, 57 हजार नगद होइस बरामद

जय जोहार…. (Dhamtari) किराये म लॉज ले के आईपीएल मैच म सट्टा खेलावत 4 सटोरिया मन पुलिस के हत्थे चढ़ गे हे। सटोरिया मन करा ले पुलिस ह 57 हजार रुपया, टीवी अऊ 8 मोबाइल घलो बरामद करे हे।

मिले जानकारी के मुताबिक रायपुर ले आय सटोरिया मन ह धमतरी (Dhamtari) शहर के एक लॉज म किराय ले के राजस्थान रायल्स अऊ सनराइज हैदराबाद के बीच होवत रिहिन आईपीएल मैच म सट्टा खेलाय के सूचना पुलिस ल मिले रिहिन। ए आधार म पुलिस टीम ह लाज म दबिश दिस।

ए मऊका म पुलिस ह आईपीएल मैच म सट्टा खेलावत 4 सटोरिया अजय कलवानी, जैकी कलवानी, दिलीप नानवानी अऊ तरुण नानवानी ल गिरफ्तार करिन। (Dhamtari) सटोरिया मन करा ले पुलिस ह 57 हजार रुपया, टीवी अऊ 8 मोबाइल घलो बरामद करे हे। पुलिस ह सटोरिया मन के खिलाफ जुआ एक्ट के तहत मामला दर्ज कर हे। पुलिस ह मामला म आगू के कार्रवाई म जुट गे हे।