corona: देस म 24 घंटा म सामने आय हे कोरोना के 46 हजार नवा मरीज, पढ़व

जय जोहार…. (corona) देस म बीते 24 घंटा म कोरोना के 46 हजार ले जादा नवा मामला के पहचान होय हे। उहें 58 हजार 578 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दउरान 979 संक्रमित मन के जान चले गे हे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 46 हजार 148 नवा मरीज मिले हे, एला मिला के देस म कोरोना संक्रमित मन के संख्या ह  3 करोड़ 02 लाख 79 हजार 331 हो गे हे। जेमा ले 5 लाख 72 हजार 994 एक्टिव मामला हे।

उहें 2 करोड़ 93 लाख 09 हजार 607  मरीज ह कोरोना (corona) ल मात दे दे हे, जेखर बाद ओमन ल अस्पताल ले डिस्चार्ज कर दे गे हे। ए वायरस ले देस म अब तक 3 लाख 96 हजार 730 मरीज के मौत हो गे हे।