Corona: प्रदेश म बीते 24 घंटा म मिले हे कोरोना के 4617 नवा मामला, रायपुर म घलो 1327 पाजिटिव

जय जोहार…. (Corona) प्रदेश म पिछिले 24 घंटा म कोरोना के 4617 नवा मामला दर्ज करे गे हे। उहचे 1007 मरीज मन ह कोरोना ले जंग जीत गे हे, जेखर बाद ओ मन ल अस्पताल ले छुट्‌टी दे दे गे हे। जबकि इलाज के दौरान 25 संक्रमित मन के जान चले गे हे।

बीते 24 घंटा म जेन कोरोना (Corona) के नवा मरीज मिले हे, ओमा रायपुर ले 1327, दुर्ग ले 996, राजनांदगांव ले 437, बिलासपुर ले 288, महासमुंद ले 182, बालोद ले 130, बेमेतरा ले 118, धमतरी ले 115, बलौदाबाजार अउ कोरबा ले 104-104, जशपुर ले 101, कबीरधाम ले 87, जांजगीर-चांपा ले 83, सूरजपुर ले 81, रायगढ़ ले 76, बस्तर ले 72, सरगुजा ले 69, मुंगेली ले 55, गरियाबंद ले 50, कोरिया ले 36, बलरामपुर ले 30, कांकेर ले 25, गौरेला-पेंड्रा-मरवाही ले 17, कोंडागांव ले 13, दंतेवाड़ा ले 9, नारायणपुर ले 7, सुकमा ले 3, बीजापुर ले 1 मरीज सामिल हे।

बता देन कि प्रदेश म कोरोना (Corona) संक्रमण के मामला ह 3 लाख 53 हजार 804 हो गे हे। जेमा ले 28987 एक्टिव मामला हे। उहचे 3 लाख 20 हजार 613 मरीज मन ल बने होय के बाद अस्पताल ले डिस्चार्ज कर दे गे हे। ए वायरस ले प्रदेश म अब तक 4204 संक्रमित मन के मौत हो गे हे।