chhattisgarh म मिले हे कोरोना के 584 नवा मामला, 2 मरीज के मउत

जय जोहार। (chhattisgarh) प्रदेस म कोरोना संक्रमित के संख्या ह सरलग बढ़त जावत हे । प्रदेस म बीते 24 घंटा म कोरोना के 584 नवा मामला मिले हे । जबकि 372 मरीज ल ठीक होए के बाद ओमन ल डिस्चार्ज कर दे गेहे। उंहे इलाज के दउरान 2 मरीज के मउत हो गेहे।

प्रदेस म कोरोना के जेन नवा मरीज मिले हे, ओमा दुर्ग ले 38, राजनांदगांव ले 46, बालोद ले 24, बेमेतरा ले 24, कबीरधाम ले 9, रायपुर ले 101, धमतरी ले 14, बलौदाबाजार ले 8, महासमुंद ले 23, गरियाबंद ले 5, बिलासपुर ले 20, रायगढ़ ले 27, कोरबा ले 16, जांजगीर चांपा ले 15, मुंगेली ले 2, गौरेला पेंड्रा मरवाही ले 28, सरगुजा ले 60, कोरिया ले 31, सूरजपुर ले 31, बलरामपुर ले 3, जशपुर ले 2, बस्तर ले 7, दंतेवाड़ा ले 5, सुकमा ले 4, कांकेर ले 30, नारायणपुर ले 1 अउ बीजापुर ले 10 मरीज सामिल हे।

बता देन कि प्रदेस म कोरोना मरीज के कुल संख्या 11 लाख 82 हजार 467 हो गेहे। जेमा ले 2986 एक्टिव मामला हे । जबकि 11 लाख 65 हजार 317 मरीज ह कोरोना ले जंग जीत गेहे, जेखर बाद ओमन ल अस्पताल ले छुट्टी दे दे गेहे । उहें ए वायरस ले राज्य म अब तक 14164 मरीज के मउत हो गेहे।