गूगल प्ले स्टोर म अब नई दिखही 59 चीनी एप

जय जोहार…. 59 चीनी एप ल गूगल प्ले स्टोर ले हटाय बर निर्देश दे दे गे हे। ए कंपनी ल 48 घंटा के समय दे गे हे। अब ए सब्बो एप ह ए प्लेटफार्म म नई मिलही। ए दू कंपनी के आलावा सरकार ह इंटरनेट सर्विस प्रोवाइडर्स ल घलो ए एप ल ब्लाक करे ल केहे हे।
आप मन ल बता देन कि सोमवार देर शाम के सरकार ह टिकटॉक, वीचैट समेत कुल 59 चीनी मोबाइल एप ल देश म बैन कर दे रिहिस। एखर बाद रात 12 बजे के बाद ले गूगल प्ले स्टोर ले ए एप ह हटत हुये नजर आय। अब मंगलवार के टिकटॉक इण्डिया के तरफ ले बयान जारी करे गे हे।