चुंगी क्षतिपूर्ति मद ले महापौर, अध्यक्ष अऊ पार्षद मन ल मिलिस 67 करोड़ 40 लाख रूपिया, मंत्री शिव डहरिया ह दे रहिस निर्देश

जय जोहार रायपुर…. चुंगी क्षतिपूर्ति मद म उपलब्ध राशि ले प्रदेश के सबो महापौर, अध्यक्ष अऊ पार्षद मन ल ओखर निधि ले 67 करोड़ 40 लाख रूपिया हस्तांतरित करे गे हे। मंत्री डॉ. शिव डहरिया के निर्देश म नगरीय प्रशासन विभाग ले दो अप्रैल के संबंधित शाखा प्रबंधक ल तत्काल राशि हस्तांतरित करे बर पत्र जारी कर दे गे हे।

बतावत जात हे कि प्रदेश के 13 नगर निगम के महापौर अऊ पार्षद निधि म 26 करोड़ 59 लाख रूपिया, 43 नगर पालिका परिषद के अध्यक्ष अऊ पार्षद निधि म 18 करोड़ 36 लाख रूपिया अऊ 111 नगर पंचायत के अध्यक्ष अऊ पार्षद निधि म 22 करोड़ 45 लाख रूपिया ल जमा करा दे गे हे।