corona : प्रदेस म आज मिले हे कोरोना के 75 नवा मामला, रईपुर म घलो 18 पॉजिटिव

जय जोहार। (corona) प्रदेस म आज कोरोना के 75 नवा मरीज सामने आय हे। उहें 23 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे।

प्रदेस म जेन कोरोना (corona) के नवा मरीज मिले हे, ओमा दुर्ग ले 8, बेमेतरा ले 1, कबीरधाम ले 9, रईपुर ले 18, महासमुंद ले 2, बिलासपुर ले 10, रायगढ़ ले 5, कोरबा ले 1, मुंगेली ले 4, सरगुजा ले 1, कोरिया ले 5, जशपुर ले 3, दंतेवाड़ा ले 4 सामिल हे।

बता देन कि प्रदेस म कोरोना (corona) संक्रमित मरीज मन के संख्या 11 लाख 52 हजार 850 होगे हे, जेमा ले 284 एक्टिव मामला हे। उहें 11 लाख 38 हजार 531 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 14035 मरीज के मउत हो गेहे।