Bagbahra: चंद्रपुर ले खट्टाडीह तक बनही कांक्रीट रद्दा , संसदीय सचिव द्वारिकाधीश यादव ह करीन भूमि पूजन
जय जोहार । (Bagbahra) संसदीय सचिव द्वारिकाधीश यादव ह आज चंद्रपुर ले खट्टाडीह तक 57 लाख 61 हजार रुपिया के लागत ले बनइया सीसी रद्दा के निर्माण काम के भूमिपूजन करीन। ए दउरान संसदीय सचिव ह वरिष्ठ कांग्रेस नेता व बुजुर्ग दरसराम पांड़े ल सम्मानित करीन । उहें ग्राम पंचायत पटपरपाली के सरपंच डॉ.राजेन्द्र शर्मा के मांग म द्वारिकाधीश यादव ह चन्दरपुर के दू ठीन गली म सीसी रद्दा स्वीकृत कराय के आश्वासन दीन हे ।
ए भूमि पूजन कारीकरम के अध्यक्षता ल आदिवासी नेता मनोहर पटेल ह करीन। (Bagbahra) बिसेस अतिथि पूर्व मंडी अध्यक्ष तेजन चंद्राकर, ब्लाक कांग्रेस कमेटी के अध्यक्ष संतोष पटेल, पिछड़ा वर्ग प्रकोष्ठ प्रदेश उपाध्यक्ष रामेश्वर चक्रधारी, पिछड़ा वर्ग प्रकोष्ठ जिला महामंत्री भुवन साहू,शिव चक्रधारी रिहीन । ए कारीकरम के संचालन ल शिव उपाध्याय अउ आभार सरपंच डा.राजेन्द्र शर्मा ह करीन ।
(Bagbahra) कारीकरम म जिला कांग्रेस कमेटी के महामंत्री प्रितम साहू,मिनेश्वर साहू, गणेश साहू,प्रदीप यादव, गोपी साहू,रुपनारायण ठाकुर,रमन चक्रधारी,नोहर चक्रधारी,इन्दु चक्रधारी,कनक साहू, सुन्दर साहू, बिहारी सिन्हा,हीरासिंग ठाकुर,आशीष ठाकुर, किशन चक्रधारी,हेमसागर साहू,पन्ना साहू,चन्द्रहास साहू,सुकालू साहू,मोहन साहू,सरपंच मनोज चन्द्राकर,सरपंच दिलीप चक्रधारी,सरपंच मुंशी साहू,ललिता साहू,पावित्री ठाकुर,ऊषा सिन्हा,पावित्री चक्रधारी सामिल होइन हे।
