लायन्स क्लब रायपुर ह करिन चिकित्सा महाविद्यालय के कोरोना वॉरियर्स मन ल सम्मानित

जय जोहार…. एक जुलाई के चिकित्सक दिवस अउ सीए दिवस के अवसर म लायन्स क्लब रायपुर के तरफ ले चिकित्सा महाविद्यालय रायपुर, शहर के चिकित्सक अउ चार्टर्ड एकाउंटेंट मन के सम्मान करे गे हे।

महाविद्यालय क व्याख्यान कक्ष म आयोजित ए कार्यक्रम म संचालक चिकित्सा शिक्षा डॉ. एसएल आदिले, अधिष्ठाता चिकित्सा महाविद्यालय डॉ विष्णु दत्त, अम्बेडकर अस्पताल के अधीक्षक डॉ विनित जैन अउ कोविड वायरोलॉजी लैब इंचार्ज डॉ निकिता शेरवानी ल शॉल, श्रीफल, प्रशस्ति पत्र अउ प्रतीक चिन्ह भेंट कर के सम्मान करे गे हे।
संगेसंग शहर के प्रतिष्ठित चार्टर्ड एकाउन्टेंट नरेश कुमार अग्रवाल अउ सीए आशुतोष श्रीवास्तव के घलो सम्मान करे गे हे।

ए सम्मान ल अध्यक्ष लायन्स डॉ विप्लव दत्ता, निवृत्तमान अध्यक्ष लायन धीरेन्द्र विरानी अउ पीडीपी लायन मनहर शाह ह प्रदान करे हे।

ए दौरान लायन्स क्लब रायपुर के तरफ ले चिकित्सा महाविद्यालय रायपुर के माईक्रोबायोलाजी विभाग ल पीपीई किट अव एन 95 मास्क प्रदान करे गे हे।