corona: सरलघा बाढ़त जावत हे कोरोना मामला, देश म बीते 24 घंटा म मिलिस 83 हजार ले जादा नवा मरीज

जय जोहार…. देश म कोरोना (corona) संक्रमित मरीज मन के संख्या ह कम होय के नाम नई लेवत हे। देश म पिछिले 24 घंटा म कोराना के 83 हजार ले जादा नवा मामला दर्ज करे गे हे।

उहचे 66659 लोगन मन ल स्वस्थ होय के बाद अस्पताल ले छुट्टी दे दे गे हे। जबकि ए दौरान 1096 लोगन मन के जान ले गे हे। केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (corona) के 83341 नवा मरीज मिले हे।

एला मिला के देश म कोरोना संक्रमित मन के कुल संख्या ह 39 लाख 36 हजार 748 पहुंच गे हे। जेमा ले 8 लाख 31 हजार 124 एक्टिव मामला हे। उहचे 30 लाख 37 हजार 152 लोगन मन ह कोरोना (corona) ल मात दे दे हे,

जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 68472 लोगन मन के मौत हो गे हे।