जय जोहार। रायपुर (raipur) के कबीरनगर पुलिस ह गांजा तस्कर ल गिरफ्तार करे हे। पुलिस आरोपी के पास ले 4.8 किलो गांजा बरामद करे हे, जेखर कीमत ल 30 हजार रूपिया बताय जावत हे।
पुलिस के अनुसार मुखबिर ले सूचना मिले रहिस कि मोटरसाइकिल ले सुनील मंढोतिया नाम के युवक ह अपन दोस्त के संग गांजा ल ले के (raipur) कबीर नगर क्षेत्र के अवधपारा सोनडोंगरी अवइया हे, जेखर बाद पुलिस ह घेराबंदी कर के आरोपी ल गिरफ्तार कर लिस।
आरोपी सुनील मंढोतिया ह केशव हाइट्स शंकर नगर के रहवइया हे। पुलिस ह आरोपी के पास ले 4.8 किलो गांजा घलो बरामद करे हे। आरोपी के खिलाफ (raipur) कबीर नगर थाना म धारा 20बी एनडीपीएस एक्ट के तहत कार्रवाई कर गिरफ्तार करे हे। एखर आलावा ओखर कुछु आन दोस्त फरार हे, जेखर पुलिस ह तलाश करत हे।
No Comment! Be the first one.