मैराथन दउड़ के विजेता मन ल पुरस्कार बांटिस

रायपुर। छत्तीसगढ़ भू-सम्पदा नियामक प्राधिकरण के अध्यक्ष अऊ प्रदेश सरकार के  पूर्व मुख्य  सचिव  विवेक ढांड ह काली बिहनिया अटलनगर म आयोजित मैराथन दउड़ के विजेता मन ल पुरस्कार बांट के बधाई अऊ शुभकामना दीन।

मैराथन दउड़ के आयोजन स्थानीय युवा मन के एक संस्था कोति ले करे गे रहिस। मनखे मन म स्वास्थ्य के प्रति जागरूकता बढ़ाए बर ये मैराथन दउड़ आयोजित करे गए रहिस। ये मा बड़ संख्या म युवा, सियान अऊ महिला मन ह हिस्सा लीन।