ये तस्वीरे ह झकझोर देथे… लइका मन ह मां-बाप के हत्या ल देखे हे, ग्रामीन  4 किमी शव कंधा म लाद के ले गिन

गरियाबंद। नवां सरकार के ये तस्वीर जरूर देखना चाही। जे कोनो के कलेजा मुंह तक ला देही। कमार जनजाति के दंपति उपर सोवत हुए वक्त कोनो ह हमला कर दिस।  पति-पत्नी दूनों के मउका म मउत हो गिस। अउ लइका मन कोनो तरह ले ह भागे अपन जान बचाइस हे।  एती सड़क न होय ले दंपति के शव जे तरीका ले  मैनपुर के रद्दा ले लाय गिस, ओला देखके कोनो  के दिल बइठ जाही।

गरियाबंद म होए रविवार के दोहरा हत्याकांड के बाद लाश ल पोस्टमार्टम कराए बर 4 किलोमीटर घना जंगल के बीच ले बांस के चेली के सहारे लोग कंधा म लादके लेकर आइन। सड़क न होय के वजह ले उहां तक गाड़ी नइ पहुंच सकिस।  जेखर वजह ले ग्रामीन मन ल ए तरह दू लाश ल उठाके पोस्टमार्टम कराए  4 किलोमीटर दूर सड़क तक लाना पड़िस।

सोमवार के बिहनियां  होइस पोस्टमार्टम

बाद म सड़क मिले म दूनों शव ल लेके जब परिजन अउ ग्रामीण मैनपुर पहुंचिन तब तक सूर्यास्त होए के कारन पोस्टमार्टम नइ हो पाइस। सोमवार बिहनियां  शवों के  पोस्टमार्टम करे गिस।

लइका मन ल घलो मारे बर  दउड़िस

डूमरघाट गांव ले कुछु दूर झोपड़ी बनाके रहइया ए परिवार म 5 सदस्य रहिस हे। पति पत्नी झोपड़ी के बहिर आग जलाके सोय रहिन हे। उहें 13 साल के बेटी अउ 8 साल के बेटा अपन बूढ़ी दादी के संग घर के अंदर सोय रहिन हे। बीती रात अज्ञात हत्यारी ह धारदार हथियार ले  पति-पत्नी के हत्या कर दीस अउ लइका मन ल  मारे बर  दउड़िस।

घबराए लइका अउ दादी रात के ही झोपड़ी ल छोड़के गांव के ओर भागिन।  गांव पहुंचके जब ग्रामीण मन ल एखर सूचना दीस त कोनो के हिम्मत नइ होइस के रात म घटनास्थल पर जा सकय। बिहनियां जब गांववाले उहां पहुंचिन त देखिन के पति-पत्नी के लाश पड़े हवय।

सहम गेहे लइका मन

घटना म मृतक पति पत्नी के पोस्टमार्टम कराए  लाश ल बांस के चेली बनाके  4 किलोमीटर दूर सड़क तक पहुंचाना पड़िस। तब जाके उहां ले जीप म लाश मैनपुर पहुंचाइन।  मां-बाप के हत्या देखे के बाद ले इहां लइका मन सहम गेहे। उहें  लाश ल लाए के जे तस्वीरें  आघू आइस हे। ओखर ले ए इलाका के हालात बताए बर काफी हे। पुलिस हत्या के आरोपी मन ल तलास करत हवय।