दू बस म जोरदार टक्कर….एक बस के चालक के मउत

बालोद। जिला के गुरूर थाना क्षेत्र के एनएच-30 म मुजालगोंदी के तीर  बुधवार के बिहनिया दू बस मन  म जोरदार टक्कर हो गिस। एमा एक बस के चालक के मउत हो गिस। अउ 10 यात्री गंभीर रूप ले घायल होगे। मउका म  गुरूर थाना के पुलिस बल के जवान मुस्तैदी के संग डटे रहिन। ये जानकारी चारामा के एएसआई राजकुमार ह दीस। उमन बताइन के मउका म गुरूर थाना के 15 जवान घलो पहुंच गिन।

कइसे होइस हादसा

एएसआई राजकुमार ह बताइस के बालोद के मुजालगोंदी म  नेशनल हाईवे क्रमांक- 30 म दू बस के टक्कर होगिस। एमा एक नरेश ट्रेवल्स के यात्री बस रहिस हे, जे रायपुर ले जगदलपुर जात रहिस हे, जबकि दूसर स्कूल बस म नवां साल के जश्न मनाके लउट रहिन छात्र सामिल रहिन हे। जे दंतेवाड़ा ले मां दंतेश्वरी के दरसन कर अउ तमाम स्थल मन के भ्रमन कर वापिस लउटत रहिन हे।

हादसा के बाद लगिस जाम

हादसा के बाद नेसनल हाईवे म करीब एक घंटा बर जाम लग गे। घटना के जानकारी मिलत ही पहिली चारामा के जवान पहुंचिन ओखर ठीक बाद ही बालोद पुलिस स्टेशन ले घलो 15 जवान पहुंचगे। जेमन ह संजीवनी एंबुलेंस ल पहिली ले ही सूचना दे रहिस हे। उंखर मदद ले घायल मन ल अस्पताल पहुंचाय गिस।

क्रेन के मदद ले निकाले गिस चालक के शव

क्रेन के मदद ले  दूनों बस ल अलग करे गिस। स्कूल बस म फंसे चालक के शव बहिनिया आठ बजे बाहिर निकाले गिस। एखर बाद पंचनामा  कर के ओला पोस्टमार्टम  बर  भेज देय गिस।