बाबा गुरूघासीदास के संदेस मानवता के कल्यान बर आय : भूपेश बघेल

रायपुर।  मुख्यमंत्री भूपेश बघेल ह कहिन के संत बाबा गुरू घासीदास के संदेश कोनो एक समाज के नइ पूरा मानवता के कल्यान बर आय।  उमन सरल सब्दों अउ सहज भाखा म सत्य अउ अहिंसा के रास्ता म चले बर सिखाइस। मुख्यमंत्री आज दूपहर राजधानी रायपुर के आदर्श नगर मोवा म आयोजित गुरू घासीदास जयंती समारोह ल सम्बोधित करत रहिन हे।

 बघेल  ह कहिन के बाबा गुरू घासीदास  ह मनखे-मनखे एक समाज के संदेस देके हमन ल ए सीख दीस के  मानव-मानव एक समान हे। ए अवसर म बघेल ह नवनिर्मित गुरूद्वारा अउ जैतखाम के लोकारपन करिन अउ  पालो चढ़ाइस।

 नगरीय विकास अउ श्रम मंत्री डॉ. शिवकुमार डहरिया, वाणिज्यिक कर (आबकारी) अउ उद्योग मंत्री कवासी लखमा, विधायक सत्यनारायण शर्मा, अमरजीत भगत अउ देवेन्द्र यादव,  पूर्व राज्य सभा सांसद डॉ. भूषण लाल जांगड़े, विसेसष अतिथि के रूप म समारोह म उपस्थित रहिन हे।  मुख्यमंत्री बघेल ह  समाज के आग्रह म मोवा आदर्श नगर के नाला के किनारे बाउण्ड्री वाल निरमान के स्वीकृति दीस।

उमन कार्यक्रम म उपस्थित डॉ. शिवकुमार डहरिया ले कहिन के उमन निरमान कार्य के रूप म पहिली हस्ताक्षर ए बाउण्ड्री वाल निरमना के स्वीकृति के आदेस म  करय। सीएम  ह ए अवसर म सतनाम जागृति अउ उत्थान समिति के  युवक-युवती परिचय सम्मेलन बर प्रकाशित पुस्तक के विमोचन घलो करिन।