एसआईटी गठन म रमन ह कहिन…बदलापुर के राजनीति करत हे कांग्रेस सरकार ह

रायपुर । बहुचर्चित नान घोटाला म पूरव सीएम रमन सिंह ह मुख्यमंत्री भूपेश बघेल उपर जमके निसाना साधिस हे। उमन मामला के जांच म गठित एसआईटी के गठन उपर सवाल खड़ा करिन हे। डॉ रमन ह मामला म भूपेश बघेल ल मुख्य आरोपी करार देय। उमन कहिन के कांग्रेस सरकार बदलापुर के राजनीति करत हवय।

उमन कहिन के एसआईटी के गठन एक अइसे आदमी के कहिन म  करे गेहे जे  मुख्य आरोपी हे। उहें  सिंह ह केंद्र सरकार के सवरन मन ल 10 प्रतिसत आरक्षन दे  के ऐलान के स्वागत  करिन हे।  बतादन के नान घोटाला म नवां मोड़ आ गेहे।  एंटी करप्शन ब्यूरो ह स्पेसल कोर्ट म सुनवाई रोके के आवेदन लगाय हे। आवेदन म कहे गे हे के नान घोटाला म अभु 11 बिंदुमन म जांच अधूरा हे।