देश के वरिष्ठ पत्रकार गोविंद लाल वोरा के रविवार देर रात दिल्ली म निधन

रायपुर। देश के वरिष्ठ पत्रकार गोविंद लाल वोरा के रविवार देर रात दिल्ली म निधन होगे। वो ह पीछू कुछु दिन लो
इहां फोर्टिस अस्पताल म इलाज करवात रहिन हे।
सोमवार के बिहनिया करीब 11 बजे तक विशेष विमान ले उंखर पार्थिव शरीर ल रायपुर लाय जाही। इहां गीता नगर म उंखर निवास म रखे जाही। सोमवार के ही अंतिम संस्कार होही।
सीनियर जर्नलिस्ट बाबू लाल शर्मा ह बताइन कि एमरजेंसी के मुश्किल दौर म जे पत्रकारिता के मुश्किल बेरा रहिस हे उंखर बर उमन ल हमेशा याद करे जाथे। वो दउर म गोविंद लाल वोरा ह सच्चाई लोगन के सामने रखीस। सरकार अउ सिस्टम के खिलाफ लड़त हुए पत्रकारिता करिस।।
55 साल के पत्रकारिता के अनुभव रखइया वोरा अमृत संदेश अखबार के प्रधान संपादक रिहिन हे। वो कांग्रेस के वरिष्ठ नेता मोतीलाल वोरा के भाई, विधायक अरूण वोरा के चाचा अउ गिरीश-शानू वोरा के पिता रहिन हे।