दुर्घटना के बाद पेट्रोल ले बर  बाल्टी अउ डिब्बे के संग पहुंचगे लोगन मन

कोरबा। कोरबा-चिरमिरी मार्ग म गुरुवार के बिहनिया अनियंत्रित पेट्रोल टैंकर पलटगे।  दुर्घटना के बाद तीरतखर के लोगन अउ राहगीर पेट्रोल ले बर  बाल्टी अउ डिब्बे के संग मउका म जा पहुंचिन। पुलिस इहां पहुंचतीस तब तक काफी मात्रा म पेट्रोल पार होए के संग बह चुके रहिस हे। घटना म चालक अउ हेल्पर ल चोट आइस हे। उमन ल पोड़ी उपरोड़ा म समुदायिक सेंटर म भरती कराय गिस हे।

बताय जात हे के, टैंकर चालक सराब के नशा म वाहन चलात रहिस हे। घटना चिरमिरी मार्ग म ग्राम रोदे के मोड़ म होइस। टैंकर क्रमांक सीजी 07 सीबी 0185 के चालक बिलासपुर के डिपो ले ईधन ले के बैंकुंठपुर कोरिया जाए बर रवाना होए रहिस हे। कोरबा जिला के सीमांत क्षेत्र म पहुंचे के संग चालक राजेश कुमार ह वाहन ले अपन नियंत्रन खो दिस। ए दउरान वाहन चालन नशा म रहिस हे। अउ वाहन ह पेड़ ले ठोकर मारत हुए पलटगे। घटना म चालक अउ परिचालक ल चोट आए हे।  ग्रामीन मन के अनुसार वाहन के रफ्तार काफी तेज रहिस हे। कुछु लोगन वाहन के चपेट म आए ले घलो बच गिस। दूसर ओर टैंकर पलटत ही आसपास के लोगन मन ह बाल्टी, डिब्बा, जरकिन अउ बॉटल ले के मउका म पहुंच गे अउ पेट्रोल ले गिन। टैंकर पलटे के जानकारी कोरबी पुलिस ल मिले म  चौकी प्रभारी व स्टाफ घटनास्थल पहुंचिन।