गुजरात म भूपेश के नरवा-गरवा, घुरवा-बारी के चर्चा

राष्ट्रीय नेता मन ले घलो लिस सराहना

रायपुर। प्रधानमंत्री के मॉडल वाले राज्य गुजरात म सीएम भूपेश बघेल सरकार के नरवा-गरवा, घुरवा-बारी कॉन्सेप्ट के चर्चा करे गिस. गुजरात के भीतर अब छत्तीसगढ़ के गांव मन के विकास ल लेके बनाए गे कार्य योजना म बातचीत सुरू
होइस. मुख्यमंत्री भूपेश बघेल के गुजरात दउरा के दउरान उंखर ए योजना के खूब चर्चा होइस. उहें भूपेश बघेल ह गांव मन के ए विकास मॉडल बर राष्ट्रीय नेता मन ले घलो सराहना मिलिस.

मुख्यमंत्री बघेल ह कहिन, उंखर दू दिवसीय अहमदाबाद प्रवास काफी अच्छा रहिस. उमन ए बात ल ले के बेहद खुश हवय के हमन गांव मन के तरक्की बर जे कार्य योजना म काम करत हन, ओखर चर्चा गुजरात के भीतर होवत हे. राज्य के बाहिर जब आपके कार्य मन या योजना मन के चर्चा होथे त लग थे के अब जरूरी हे के ओला बेहतर ले बेहतर कर जाए. काबर के आपके कार्य मन म फेर बारीकी ले सबके नजर होही. ओखर समीक्षा हो ही.

प्रधानमंत्री के राज्य म जब अपन ल सराहना मिलथे त एला बढ़ के अउ का हो सकत हे. हमार सरकार ह सिरिफ नरवा-गरवा, घुरवा-बारी के नारा नई देय, बल्कि एखर जरिए गांव मन के तरक्की, किसान मन के तरक्की, महिला मन अउ युवा मन के तरक्की ल साकार करके दिखाए के हमार संकल्प हवय. हमार ए विकास मॉडल ल हकीकत म बदलत पूरा दुनिया जल्द देखही.