कांकेर,महासमुंद अउ राजनांदगांव बर नामांकन दाखिला के प्रक्रिया सुरू

रायपुर. छत्तीसगढ़ म लोकसभा चुनाव के दूसर चरन म मतदान  बर 19 मार्च ले नामांकन पत्र दाखिल करे जाही. ए  इस चरन म प्रदेश के तीन कांकेर, महासमुंद अउ राजनांदगांव लोकसभा क्षेत्र मन बर मंगलवार ले नामांकन पत्र दाखिल करेजाही. तीनों लोकसभा क्षेत्र म 18 अप्रैल के मतदान हो ही.

अधिसूचना जारी होए संग ही दूसर चरन म प्रदेश के कांकेर,महासमुंद अउ राजनांदगांव लोकसभा क्षेत्र बर नामांकन दाखिल करे के प्रक्रिया सुरू हो जाही. बता देवन के छत्तीसगढ़ म लोकसभा  बर तीन चरन म मतदान हो ही. दूसर चरन बर प्रत्याशी अपन नामांकन पत्र शासकीय अवकाश  ल छोड़ के कार्यालयीन दिवस म बिहनियाह 11:00 बजे ले दुपहर 3:00 बजे तक दाखिल कर सकत हे.

दूसर चरन बर नामांकन 26 मार्च तक जमा करे जाही. नामांकन पत्र मन के जांच 27 मार्च के होही.  उहें 29 मार्च तक नाम वापस ले जा ही. 3 लोकसभा क्षेत्र मन के 48 लाख 95 हजार 719 मतदाता अपन मताधिकार के प्रयोग कर सकही. कुल मतदाता मन म 24 लाख 63 हज़ार 102 महिलाएं, 24 लाख 32 हज़ार 554 पुरुष अउ 63 तृतीय लिंग के मतदाता हे. सत-प्रतिसत मतदान सुनिश्चित करे बर 6484 मतदान केन्द्र बनाए गे हे.