हाईटेंशन तार से खूंटी लगाकर कर रहे जंगली जानवरों का शिकार
नवनीत शुक्ला, मुंगेली. मुंगेली जिला के खुड़िया वन परिक्षेत्र के चचेड़ी बीट म करंट लगे ले 2 दिन पहिली होये तेंदुए के एक शावक की मउत के बाद वन विभाग म 2 आरोपी मन ल हिरासत म लेके पूछताछ करत हवय. एक आरोपी फरार हे, जेखर तलाश करे जात हे.
खुड़िया वन परिक्षेत्र के चचेड़ी बीट अंतर्गत कंपाटमेंट नंबर 492 म करंट के चपेट म आए ले तेंदुए के शावक के मउत के बाद वन विभाग के अधिकारी मन म हड़कंप मच गे हे. और आनन-फानन म डॉग स्क्वायड के मदद ले आरोपी मन ल खोज निकाले गिस. दुल्लापुर के रहवइया मुख्य आरोपी बुधवार पिता मिलाऊ के घर दबिश दे के करंट लगाके शिकार करे म प्रयुक्त बिजली तार, अऊजार, कुल्हाड़ी समेत अन्य सामान जब्त करे गिस. मामला म मुख्य आरोपी ले पूछताछ के बाद गांव के ही सुखचंद अउ अमरदास ल हिरासत म लेय गिस हे. मामला म गांव के ही एक अन्य संदेही फड़ मुंशी चोवाराम फरार हे, जेखर तलाश करे जात हे.
मामला म एसडीओ मदन सिंह ह बताइस के, चचेड़ी बीट म करंट लगा के शिकार करे घटना म तीन आरोपी संलिप्त हवय, जेमा एक मुख्य आरोपी समेत 2 लोगन ल हिरासत म लेय गिस हे. एक अन्य आरोपी साथी फरार हे, जेखर पतासाजी करे जात हे.
लोरमी क्षेत्र के जंगल मन म शिकार के अनेक मामला
रविवार के बिहनिया गश्ती दल ल दुल्लापुर आलमपुर खुड़िया रेंज के जंगल म शवक के शव दिखिस. उहें आज वन विभाग के टीम ह मउका म हाईटेंशन लाइन म लटकाए वाले खूंटी ल घलो जब्त करेगिस. जेखर सहारा करंट तार लटकात हुए बेखौफ शिकार करे जात हे. बता देवन के चाहे अचानकमार टाइगर रिजर्व के बात करन या मुंगेली वन मंडल के वन परिक्षेत्र के, इहां आये दिन जंगल म शिकारी मन ह खुलेआम करंट तार लगाके जंगली जानवर मन के शिकार करे जात हे. कुछु दिन पहिली ही अचानकमार टाइगर रिजर्व क्षेत्र म एक शेर के शिकार करे गिस, जेमा कुछु आरोपी पकड़ गे हे.
Other Articles
