दीपक बावनकर@जय जोहार. छालीवुड के जाने-माने अभिनेत्री मुस्कान साहू ल आई लव यू टू फिलिम ले अब्बड़ उम्मीद हाबे इखरे सती रिलिज के आ ह अगोरा करत हे। बता देन कि मुस्कान ह जब ले होस संभालीस तब ले वो ह फिलमी ग्लैमर अऊ कलाकार मन के बीच उठत-बैठत रिहिन। फेर आज मुस्कान ह एक स्थापित हिरोईन बन गे हे।शुरू के बेरा म धीरे-धीरे छोटे-छोटे रोल करईया मुस्कान ह 13 साल के उमर ले एक्टिंग करत हे। आज मुस्कान अपन एक्टिंग म अतेक दक्ष हो गे हे कि कोनों भी बड़े एक्टर ल चुनौती दे के दम रखथे। मुस्कान ल सर्वश्रेष्ठ अभिनेत्री के अवार्ड मिलिस, फिलिम बीए फर्स्ट ईयर बर।छत्तीसगढ़िया सबले बढ़िया ले छालीवुड में कदम रखे के बाद मुस्कान हा मितान 420, माया देदे मायारू, तोर मया मा का जादू हे, तरी हरी नाना, गोलमाल अउ आज के अर्जुन जईसे फिलिम म काम करिस।2011 म जब मुस्कान ला सर्वश्रेष्ठ अभिनेत्री का पुरस्कार मिलिस ओखर बाद मुस्कान दर्सक मन के दिल म अपन जगह बना लिस। सुंदरानी फिल्म्स के बैनर तले बनीस आई लव फिलिम हिट रिहिस। एमा मुस्कान के एक्टिंग के चर्चा जम्मो कोती शुरू हो गे। अब इही प्रोडक्शन ह आई लव यू 2 घलो बनात हे जेन ह प्रदर्शन बर तियार हे।मुस्कान ल ए फिलिम ल लेके बड़ उम्मीद हे।
एखरे संगे-संग बेनाम बादशाह घलो मुस्कान के अवईया फिलिम हवे। 13 साल के उमर म फिलिम इंड्रस्ट्री म कदम रखईया मुस्कान आज अपन एक्टिंग म दक्ष नजर आवत हे इही वजह हे कि ओला फिलिम के कई ऑफर आवत हे। अपन मुस्कुराहट ले छालीवुड म मुस्कान बिखेरत हे मुस्कान ह।
No Comment! Be the first one.