पूर्व सांसद अनुसुइया उइके ह संभालही छत्‍तीसगढ़ के राज्‍यपाल के जिम्मेवारी

रायपुर. पूर्व राज्‍यसभा सांसद अनुसुइया उइके ल छत्‍तीसगढ़ के राज्‍यपाल नियुक्‍त करे गे हे। राष्‍ट्रपति रामनाथ कोविंद ह ए नियुक्ति करे हे। एखर पहिली मध्‍यप्रदेश के राज्‍यपाल आनंदीबेन पटेल ह बलरामजी दास टंडन निधन के बाद ए दायित्व ल संभालत रिहिन।

अनुसुईया उईके अनुसूचित जनजाति आयोग के राष्‍ट्रीय उपाध्‍यक्ष घलो रेहे हे। बता देन कि अनुसुइया उइके भारतीय जनता पार्टी के वरिष्‍ठ नेता मन म गिने जाथे। ओखर ताल्‍लुक छिंदवाड़ा ले हे।