छत्तीसगढ़िया मन के हक के लड़ाई दिखाए गे हवे जोहार छत्तीसगढ़ म

आर जे एंटरटेनमेंट वर्ल्ड के बैनर तले बनत छत्तीसगढ़ी फीचर फिल्म जोहार छत्तीसगढ़ म छत्तीसगढ़ी संस्कृति अउ छत्तीसगढ़िया मन के हक के लड़ाई ल पर्दा म उतारे के कोशिश करे गे हवे।ये फिल्म म राज साहू ह निर्माता घलोक है अउ मुख्य अभिनेता घलोक, ओखर संग म देवेंद्र जांगड़े, शिखा चितांबरे, सोनाली सहारे के जोड़ी हे ।

जोहार छत्तीसगढ़ 2020 तक रिलीज होही, एखर ड्रामा भाग के शूटिंग हो गे हे, गाना मन के शूटिंग जारी है।एमा स्वतंत्रता संग्राम सेनानी मन घलोक अभिनय करे हे। फिलिम म अनिल शर्मा, पुष्पेंद्र सिंह , विक्रम राज , क्रांति दीक्षित, निशांत उपाध्याय , किशोर मंडल, उपासना वैष्णव , हेमलाल, पुष्पांजलि अउ ललित उपाध्याय मन अभिनय करे हे। कैमरामैन लक्ष्मण यादव हे फिलिम म संगीत सूरज महानंद दे हे ।

अनुराग शर्मा, अलका चंद्राकर ,सुनील सोनी अउ चंपा निषाद ह ऐमा अपन स्वर दे हे। फिलिम के डायरेक्टर देवेंद्र जांगड़े ह बताइस कि पूरा फिलिम म छत्तीसगढ़ क्रांति सेना के विशेष सहयोग मिलिस।