दुर्व्यवहार: स्कूली लइका मन खोलिस प्राचार्या के खिलाफ मोर्चा, बीईओ ह हटईन हे पद ले

धमतरी। प्राचार्य के दुर्व्यवहार ले नाराज हाईस्कूल कुरमातराई के छात्र-छात्रा मन ह सोमवार के प्राचार्य के खिलाफ मोर्चा खोल दिस। लइका मन ह स्कूल के गेट म ताला लगा के बाहिर म बईठ के प्रदर्शन करिस।

कुरमातराई गांव के हाईस्कूल के लइका मन ह स्कूल के प्राचार्य ल हटाए के मांग करत प्राचार्य के खिलाफ म जोरदार नाराबाजी करीस। स्कूली लइका मन के आरोप हवय कि प्राचार्य अनिता ध्रुव ह ओखर मन ले दुर्व्यवहार करथे। उंहे ये मामला म बीईओ बी. आर. गजेन्द्र ह कार्रवाई करत प्राचार्य पद ले अनिता ध्रुव ल हटा दिन हे।