नक्सली कमांडर लिंगन्ना के मउत ले गुस्साए लोगन मन जवान ऊपर करिस पत्थरबाजी

जगदलपुर। तेलंगाना के मुठभेड़ म न्यू डेमोक्रेसी नक्सल ग्रुप के कमांडर लिंगन्ना मारे गिस। उंखर मउत ले गुस्साए ग्रामीण मन शव लाए बर गे रिहिस जवान मन ऊपर पत्थरबाजी करिस हे। तेलंगाना के अवलपल्ली गांव म आज पुलिस अउ नक्सली के बीच मुठभेड़ म सीआरपीएफ के जवान मन ह एक नक्सली कमांडर ल मार गिरईन, फेर जब जवान मन मारे गे कमांडर के शव ल लाए बर गांव पहुंचिस त भारी विरोध के सामना करना पड़िस हे।

बतात हे कि वो गांव के लोगन मन नक्सली कमांडर ल मुठभेड़ म  मार गिराए ले बहुत नाराज हे अउ सीआरपीएफ के जवान मन ऊपर हमला करिस अउ पत्थर मार कर उंहा ले भगा दिस।  नक्सली कमांडर लिंगन्ना के प्रति गांव वाले ल बहुत लगाए रिहिस अउ वोला ग्रामीण मन जन नेता मानत रिहिस।