हरेली तिहार के कार्यक्रम म मगन होके लोक-कलाकार मन संग जमके नाचिन मंत्री कवासी लखमा

रायपुर। छत्तीसगढ़ म आज गुरुवार के हरेली तिहार धूमधाम ले मनाए जावत हे। सरकार के डाहर ले घलो हरेली तिहार राज्य स्तर म मनाए जावत हे।

अइसे म हरेली जोहार यात्रा के बाद मुख्यमंत्री आवास म घलो कार्यक्रम होईस। ए कार्यक्रम म गृहमंत्री ताम्रध्वज साहू, आबकारी मंत्री कवासी लखमा समेत अउ मंत्री, अधिकारी मन पहुंचे रिहिन।

ए दौरान आबकारी मंत्री कवासी लखमा के गजब के नाच देखे बर मिलिस। ओमन पारंपरिक परिधान पहिने लोक कलाकार मन के संग जमके नाचिन।

कवासी लखमा अइसे नेता आंय के कहूं करा होय, लोक कलाकार मन ला बाजा बजावत अउ नाचत देखथें त खुद ल रोके नई सकंय, उंकर मन संग नाचे बर भिड़ जथें।