युवा कवि मन के रस म डूबिस श्रोता मन, बहुत दिन बाद होइस कबीरधाम म अइसे आयोजन

जय जोहार कबीरधाम…. कबीरधाम म आज कवि सम्मलेन के आयोजन करे गिस। ए मऊका म अंचल के युवा कवि मन ह अपन-अपन हास्य रचना प्रस्तुत कर लोग मन ल ठहाका लगाए बर मजबूर कर दिस। कार्यक्रम म मुख्य अतिथि राजनांदगांव सांसद संतोष पाण्डे रहिस।

कार्यक्रम म मुंगेली ले संस्कार साहू, कवर्धा ले कौशल साहू, प्रेमिश शर्मा, पारस शर्मा, वीरेंद्र चंद्रवंशी, बेमेतरा ले रूपेश पांडेय ह काव्य पाठ करिस। ऊहचे मुंगेली के युवा कवि संस्कार साहू ह ठेठ छत्तीसगढ़ी म मंच संचालन करिस अऊ अन्य कवि मन ह अपन रचना ले श्रोता मन ल भाव विभोर कर दिस। ए मऊका म कवर्धा जनपद अध्यक्ष दिनेश चंद्रवंशी, उपाध्यक्ष वीरेंद्र साहू, श्रीराम पब्लिक स्कूल के संचालक प्रताप चंद्रवंशी समेत श्रोता मन ह कवि सम्मेलन के लुत्फ उठाइस।